Policia e Mallakastrës ka arrestuar një 19-vjeçar pasi ishte shpallur në kërkim nën dyshimet se kreu marrëdhënie seksuale pa dëshirë me një të mitur 15 vjeç.
Në njoftimin e policisë thuhet se L.B 19 vjeç, banues në Mallakastër, u arrestua pasi Gjykata e Shkallës së Parë Fier, i ka caktuar masën e sigurisë “Arrest në burg”, për veprën penale “Marrëdhënie seksuale ose homoseksuale me dhunë me të mitur të moshës 14-18 vjeç”.
I riu dyshohet se në qershor të vitit 2021, ka kryer marrëdhënie seksuale me një shtetase 15 vjeçe, pa dëshirën e saj.
Materialet procedurale i kaluan Prokurorisë, për veprime të mëtejshme.
