Kreu i Partisë Demokratike, Sali Berisha, së bashku me kreun e Partisë së Lirisë, Ilir Meta kanë firmosur një marrëveshje në lidhje me zgjedhjet lokale.
Marrëveshja përmbante 6 pika ku dhe ishin të përcaktuar pozitat e të dyja partive në këto zgjedhje. Saktësisht në marrëveshje shkruhet se konkurrimi për kryetarët e bashkive do të bëhet me kandidatë të përbashkët, të cilët vendosen nga rezultati i konkurrimit në primare,
që do të organizohen nga Partia Demokratike e Shqipërisë.
Po ashtu këshillat bashkiake, si institucionet më të rëndësishme të përfaqësimit të qytetarëve, do të drejtohen nga përfaqësues të propozuar nga Partia e Lirisë.
