Sot nga Dibra, referuar aferës dhe akuzave për inceneratorët, Edi Rama u shpreh se kush ka bërë korrupsion duhet të marrë atë që meriton. Ai tha se nuk mund të baltoset gjithçka në kohën që sipas tij “është bërë punë kolosale”.
Gjatë fjalës “lau duart” kur tha se inceneratorët janë histori e 6 viteve më parë dhe se “sot kemi një qeveri të re”, por “harroi” që në krye të saj është po ai, si 10 vite më parë.
“Nuk mund të hedhësh përtokë një punë kolosale për të pastruar Shqipërinë, Tiranën, Fierin dhe Elbasanin. Pse në bërjen e kësaj pune disa individë dyshohen se kanë bërë korrupsion.
Por kush ka bërë korrupsion, nëse e ka bërë të marrë atë që meriton, por si mundet kjo të kthehet në baltë. Kjo është një histori e 5-6 viteve përpara, por sot është një qeveri e re e kësaj kohe” tha Rama.
Jemi në 2022-shin, Rama: Shumë shpejt në Burrel do të sjell ujë 24 orë
