Policia e Shtetit ka informuar për punën e bërë brenda një jave nga uniformat blu për goditjen e veprimtarive të paligjshme.
Është njoftuar se janë proceduar penalisht në total, 441 shtetas, nga këta: 154 janë arrestuar, 263 janë proceduar në gjendje të lirë dhe 24 janë shpallur në kërkim.
Gjithashtu janë sekuestruar 6 armë zjarri, 2 armë gjahu, 7 mjete prerëse (thika), 1 dorezë dhe 1 shkop gome. Në operacionin më të rëndësishëm të kësaj jave janë kapur 1 ton e 162 kg lëndë plasëse, 3815 kapsolla elektrike dhe 6 shtetas janë vënë në pranga, si rezultat i finalizimit të operacionit “Toka e artë”.
