Sot në kryeqytetin gjerman u zhvillua “Procesi i Berlinit”. Kryeministri Edi Rama ishte në krah të kancelarit Olaf Scholz në konferencë përmbyllëse.
Një temë e nxehtë ishin emigracioni, largimi i shqiptarëve jo vetëm drejt Anglisë, por edhe Gjermanisë.
Kancelari tha se një gjë e tillë ka ndodhur më parë, por edhe tani edhe me gjermanët vetë. Këshilla që kishte për qeverinë shqiptare ishte që t’u japë shpresë të rinjve për të mos u larguar.
Konflikti për emigrantët! Rama: Londra të mësojnë nga Berlini si të trajtojë shqiptarët
“Kjo nuk ka të bëjë me lëvizjen, me lirinë e lëvizjes në disa vende. Është shumë e lehtë për të rinjtë, thjesht që të marrin vendimin, të punojnë për disa vite në një vend tjetër, kjo pasuron përvojat e tyre. Lëvizja e lirë për punësim është një koncept mjaft i mirë.
Keni të drejtë të thoni “rrjedhja e trurit” është një problem për vendin. Kjo vlen edhe për vendet anëtare të BE, por shumica kthehen më vonë dhe vendi përfiton nga përvoja.
Ka edhe shumë gjermanë në mbarë Europën për 10-15 vite, ndonjëherë kthehen dhe herë jo” tha ai.
Samiti i Ballkanit Perëndimor, Scholz: Rajoni do të jetë më i qetë
