Një aksident i rëndë është regjistruar mbrëmjen e sotme në Devoll të Korçës, ku një automjet ka marrë përpara një tufë me dele.
Ngjarja e rëndë ndodhi në afërsi të fshatit Vranisht, ku një automjet tip “Benz” ka përplasur 30 dele në pronësi të një banori të këtij fshati.
Menjëherë pas marrjes së informacionit, në vendin e ngjarjes ka shkuar Policia dhe zjarrfikësja, kjo e fundit që ka bërë të mundur pastrimin e vendngjarjes, pasi pasojat e aksidentit ishin tepër të rënda, saqë u bllokua edhe rruga.
Grupi hetimor nisi menjëherë hetimet për zbardhjen e shkaqeve të këtij aksidenti, ndërsa policia ka shoqëruar drejtuesin e mjetit në komisariat.
