Sot Grida Duma dorëzoi mandatin e deputetes. Në konferencën për mediat ku njoftoi vendimin, Duma kishte një mesazh indirekt edhe për Lulzim Bashën. Pa lakuar emra, ajo tha se ka individë që po presin skutave që fati t’u ndrijë përsëri.
“Më e thjeshta për mua do ishte të kisha qëndruar të prisja të mos ndodhin dështimet që disa i parashikojnë, siç e di që ka edhe nga ata që po presin skutave për shansin e humbur t’i ndrijë prapë pazareve” tha ajo.
U largua nga politika, Grida Dumës i dridhet zëri: Po iki me një peng të madh
Grida Duma foli edhe për përçarjen e PD-së duke thënë se ka bërë gjithçka që PD të ketë në krah aleatin e saj strategjik SHBA-në, ndërsa shtoi se nuk e shmangu dot një 6 mars të dytë. Ajo u shpreh se PD-ja duhet të ketë në krah aleatin e saj strategjik, SHBA-në.
“Para dhe pas 6 marsit, në situatën më të vështirë kam bërë sa munda që PD të kishte krah saj aleatin më të madh në gjenezën e vet, aleatin strategjik SHBA. Vijoj të mendoj se duhet ta ketë aty përkrah. Në themelin e vet aleatin strategjik SHBA.
Vijoj të mendoj që duhet ta ketë përkrah. Ashtu siç kam që pas 6 marsit të bëj gjithçka, madje duke dhënë dorëheqjen për të vlerësuar solidaritetin dhe njohjen njerëzore që demokratët treguan për të vlerësuar liderin historik, duke ndjekur dinjitetin njerëzor më tepër se pazaret politike” tha Duma.
Grida Duma e filloi karrierën e saj politike si zëvendësministre e Integrimeve Evropiane gjatë viteve 2011–2013. Në zgjedhjet vendore të 2015-ës u përfol se ajo do të kandidonte për Kryetare Bashkie në Tiranë por më pas u shpall kandidatura për Bashkinë e Durrësit. Ajo nuk arriti të fitonte votën popullore për t’u bërë kryetare bashkie.
Që nga viti 2014, ajo u bë Sekretare për Marrëdhëniet me Publikun e Partisë Demokratike të Shqipërisë. Ajo është një figurë e spikatur mes demokratëve. Në vitin 2017 Duma u zgjodh deputete e Partisë Demokratike në Kuvendin e Shqipërisë duke përfaqësuar qarkun e Tiranës.
