Gjirokastër-Puglia, një projekt i ri pritet të dërgojë ujë drejt Italisë nëpërmjet 85 kilometrave tubacione nënujore dhe 120 kilometrave tubacione tokësore.
Për këtë projekt do të duhen 4 vite për tu realizuar dhe plot 1 miliard euro për tubacionet. Por çfarë përfiton Shqipëria, nëse ne do t’ju ofrojmë burimet tona ujore Italisë.
Sipas projekti, Shqipëria do të përfitonte nga vendet e punës që do të krijohen, të cilat mendohet të jenë rreth 8,000.
“Ne kemi një mundësi të madhe për të trajtuar krizën e ujit në mënyrë parandaluese. Ne mund t’i japim jetë një projekti të madh dhe ambicioz: të ndërtojmë një infrastrukturë mbresëlënëse ujore në detin Adriatik midis Pulias dhe Shqipërisë”, tha Sergio Fontana, presidenti i Confindustria Puglia, që përfaqëson kompanitë italiane në Shqipëri.
Mësohet se kryebashkiaku i Puglias i ka shkruar kryeministrit Edi Rama për këtë çështje, por deri më tani Rama nuk është prononcuar.
