Gjatë konferencës së përbashkët mes Shqipërisë dhe Maqedonisë së Veriut, Edi Rama është shprehur se do të mbahet një tjetër samit i Ballkanit të Hapur shumë shpejt.
Ai ka treguar se ky samit është kërkuar nga vendet e tjera fqinje me Shqipërinë dhe ky samit do të mbahet në Tiranë. Rama nuk caktoi datë se kur do të ishte samiti i radhës
“Po përgatisim një tjetër samit të Ballkanit të Hapur në Shqipëri dhe jemi shumë të kënaqur që ka vende të tjera që duan të jenë pjesë e këtij procesi, pavarësisht se vendet tona mbeten motori i këtij projekti. Këtu kam parasysh Turqinë, Greqinë, Italinë që kërkojnë të jenë pjesë për të krijuar sinergji. Më vjen mirë që procesi i Berlinit ka rifillluar. Ballkani i Hapur është jetësim i procesit të Berlinit. Marrëveshjet e Ballkanit janë përshpejtim i procesit të Berlinit”, tha Rama.
