Autoritetet italiane vijojnë hetimet për vdekjen e një shqiptari disa ditë më parë.
Shqiptari që u gjet pajetë është 38-vjeç. Dyshimet e para ishin se shkaku ishte një aksident fatal në punë, por tashmë kanë dalë në dritë skenar të tjerë.
Një prej pistave është që trupi është transportuar deri në vendin ku është gjetur.
Hetuesit kanë gjetur makinën e shqiptarit dhe janë ende duke e ekzaminuar.
Kantieri i ndërtimit ndodhet në një tjetër vend dhe atje gjendet edhe skela në të cilën 38-vjeçari punonte.
Trupi nuk është gjetur pikërisht në këtë vend, por është transportuar. Hetimet vazhdojnë dhe priten zhvillime të tjera lidhur me ngjarjen.
