Gjykata e Vlorës ka pranuar pretencën e prokurorit të çështjes duke dënuar me 148 vite burg në total, grupin e Vlorës të cilët bënë atentatin tek “Uji i Ftohtë” ku mbeti i plagosur Ines Hajrullaj.
Kështu, fajtor për kryerjen e veprës penale “Vrasja në rrethana cilësuese” e kryer në bashkëpunim e mbetur në tentativë është shpallur Daut Elmazi i cili dënohet me 35 vite burgim.
Por si ndodhi ngjarja?
Tre vite më parë Ines Hajrulla dhe dy shokë të tij Ervis Matodashaj dhe Arbër Shollaj u sulmuan me armë nga pesë të pandehurit.
Ata ishin ulur në një lokal në “Lungomare”, kur janë sulmuar befasisht me armë.
Si pasojë e të shtënave me armë u plagos lehtë në këmbë një punonjës i Bashkisë Vlorë, Dajko Canodemaj.
I akuzuari kryesor është Daut Elmazi, nipi i Armando Sulejmanit ose “Çipurit” të Vlorës, person ky me precedent penal.
