Në fushë do të zbarkojnë sot skuadrat nga grupi G dhe grupi H, të cilët do të dhurojnë emocione për të gjithë dashamirësit e Kupës së Botës.
Dita e sotme e Botërorit do të startojë në orën 11:00 me dy skuadrat e grupit G, Zvicra dhe Kameruni.
Ndeshja do të luhet në stadiumin “Al Janoub” ku Zvicra dhe Kameruni do të zhvillojnë ndeshjen e tyre të parë për këtë Botëror.
Në orën 14:00 do të do të hapet zyrtarisht lufta për një vend për kualifikim në grupin H.
Në stadiumin “Education City” do të përballet Uruguai me Korenë e Jugut.
Dy skuadrat të tjera nga grupi H, Portugalia dhe Gana do të përballen në orën 17:00 në stadiumin “974”.
Ndeshje e cila pritet nga fansat pa ndonjë rezultat surprizë jo si rezultati i ndeshjes së Argjentinës.
Fituesi i më shumë Botërorëve në historinë e ekzistencës së këtij kompeticioni, Brazili, do të ndeshet me Serbinë në orën 20:00 në stadiumin “Lusail”.
