Zëvendëskryeministrja Belinda Balluku, teksa ka marrë fjalën në seancën maratonë plenare që po mbahet ditën e sotme, iu përgjigj akuzave të ish-kryeministrit Berisha në lidhje me Portin e Durrësit.
Sipas Ballukut, akuzat e Berishës janë fantazi të përçartura, ndërsa nuk ka nguruar që t’i rikujtojë tij faktin se projekti në fjalë është një projekt i hapur, ndërsa i bëri thirrje që të mos vijojnë më me gënjeshtrat ndaj qytetarëve shqiptarë.
“Paskemi filluar selektimin e njerëzve që do të hyjnë në projekt. Kurse të tjerët do të përjashtohen. Dhe, shqiptarët e thjeshtë do të rrinë jashtë? Këto janë fantazi të përçartura të një njeriu që s’ka lidhje me këtë botë. Do të jetë një projekt i hapur. 45% e sipërfaqes truall vihet në dispozicion të qytetarëve. Boll i gënjyet shqiptarët. Këto janë fantazi tuajat? Si do ta bëjmë përzgjedhjen? Gjenetikisht? Vetëm duke qenë aksionerë do të mund të kemi të drejtën e vetos, dhe të monitorojmë investimin,” u shpreh ministrja Balluku.
