Rikthen sot në fushën e blertë kombëtaret e grupit A dhe grupit B në Kupën e Botës 2022.
Ndeshja e parë e ditës së sotme do të nisë me grupin B në orën 11:00, një përballje mes Uellsit dhe Iranit në stadiumin “Ahmed bin Ali”.
Të dy kombëtaret do luajnë ndeshjet e tyre të dyta këtë Botëror pas ndeshjeve të para jo dhe aq efektive.
Ndërkohë Katari do të përballet në orën 14:00 me Senegalin në stadiumin “Al Thumama”.
Skuadrat rikthehen në fushë për të fituar një trepikësh të parë për këtë turne pasi renditet me 0 pikë në fund të tabelës së grupit A.
Në orën 17:00 do të përballen kokë më kokë dy skuadrat pretendente për kalimin e fazës së grupeve, Holanda me Ekuadorin.
Ndeshje e cila do të luhet në stadiumin “Khalifa International”.
Skuadrat përkatësisht janë me pikë të barabarta me nga 3 pikë pas fitimit të ndeshjeve të para të turneut.
Natën e sotme do ta mbyllë ndeshja mes Anglisë dhe Shteteve të Bashkuara e cila do të luhet në stadiumin “Al Bayt” në orën 20:00.
Anglia kryeson në renditjen e grupit B me 3 pikë dhe një fitore kundër Shteteve të Bashkuara do ta kualifikojë atë në fazën e të 16-ve.
