Sekretari i Përgjithshëm i PS-së, Damian Gjiknuri është pyetur në lidhje me përgjimet që u zhdukën nga prokuroria, ku ishte i përfshirë kreu i grupit parlamentar Taulant Balla.
Gjinkuri ka refuzuar të flasë për çështjen në fjalë, ku është shprehur se nuk e di të vërtetën e kësaj gjëje.
“Nuk dua të merrem me deklaratat e mediave, nuk di vërtetësinë e tyre, PS është një parti e fortë, bazohet te vullneti i njerëzve dhe nuk njolloset nga akuzat që mund të bëhen nga media apo qarqe të caktuara,” është shprehur ai.
Nga ana tjetër, pasi Çapja deklaroi që politikani Taulant e ka kontaktuar dhe që më pas përgjimet ku dilte ai janë shkatërruar nga prokuroria, PD reagoi. Ajo tregoi se numri që ishte në përgjim korrespondon me atë që ka zyrtarisht Taulant Balla.
