Sot u përball në gjykatë si dëshmitar kryetari i grupit të PS-së, Taulant Balla me dhëndrin e Sali Berishës, Jamarbër Malltezi dhe njërin prej pronarëve të truallit, Xhim Begeja. “Dëshmitari Balla sot për mua ngeli në klasë” tha Begeja.
Jamarbër Malltezi deklaroi se Balla gënjeu dhe për këtë arsye do të paditet sërish për kallëzim të rremë së bashku me Edi Ramën.
“Do të përsërisim kallëzimin ndaj Taulant Ballës dhe Edi Ramës. Kallëzimi i Ballës kishte 19 gënjeshtra. Balla ka shkelur ligjin, procesi është i stisur. Zoti Balla dhe institucionet të dy kanë shkelur ligjin. Taulant Balla nuk tregoi asnjë dokument dhe asnjë provë” tha ai.
“Në rast se prokurorët dhe gjyqtarët do të jenë shtetarë Taulant Ballën nuk do ta zërë dheu sepse ka bërë 11 gënjeshtra, nuk ka ku të shpëtojë fare” tha ai.
‘Na sqaro pozicionin’- Përplasje e fortë Balla-Malltezi në gjyq (Debati)
