Policia e Shtetit i ka dhënë një përgjigje negative kërkesës së Sali Berishës për të zhvilluar protestë më 6 dhjetor, ditën kur në Tiranë organizohet samiti me liderët e Bashkimit Europian.
Sipas policisë, organizimi në fjalë cenon sigurinë kombëtare dhe atë publike, ndërsa shton se pengon zhvillimin e Samitit BE-Ballkani Perëndimor, që pritet të zhvillohet atë ditë në kryeqytetin shqiptar.
Kujtojmë se, kryetari i Partisë Demokratike, Sali Berisha tha sot në një deklaratë për mediat, se kjo forcë politike do të zhvillojë një protestë paqësore në 6 dhjetor, ditën kur në Tiranë do të mbahet edhe samiti BE-Ballkani Perëndimor.
PERIMETRI I SIGURISË I NJOFTUAR NGA POLICIA
Bulevardi “Dëshmorët e Kombit” deri në Bulevardin “Bajram Curri” përfshirë sheshin “Nënë Tereza”.
Rruga “Gjergj Filipi” nga kryqëzimi me rrugën “Ibrahim Rrugova” deri tek kryqëzimi me rrugën “Papa Gjon Pali II”.
Rruga ” Lek Dukagjini” në gjithë gjatësinë e saj.
Rruga “Dervish Hima”, rruga “Sheh Ahmet Pazar”, rruga “Faik Konica”, rruga “Skerdilajd Llagar –
Rruga “Papa Gjon Pali II” në gjithë gjatësinë e saj
Rruga Asim Zeneli, rruga “Themistokli Germenji”
Rruga “Mustafa Matohiti”
Rruga “Jul Variboba”
Rruga Fatmir Haxhiu”.
Rruga “Ismail Qemali”, nga rruga e “Elbasanit” deri në kryqëzimin me rrugën “Ibrahim Rrugova”.
Më poshtë theksohet se policia është e gatshme për të organizuar mbarëvajtjen e çdo tubimi jashtë këtij perimetri.
