Një shpërthim eksplozivi është regjistruar një natë më parë në Durrës në një biznes. Mësohet se biznesi është në pronësi të Jonida Karabojës. Nga shpërthimi nuk ka mbetur asnjë person i lënduar, por ka pasur vetëm dëme materiale.
Ngjarja ka ndodhur në lagjen 7 pranë Muzeut të Dëshmorëve. Karaboja ka në pronësi një dyqan veshjesh, ndërsa është marrë edhe në pyetje. Mësohet se ajo ka deklaruar se nuk ka konflikte.
Ende nuk ka asnjë detaj nga autorët, ndërsa mësohet se policia ka shoqëruar disa persona.
Në ambientet e Komisariatit të Policisë Durrës janë shoqëruar disa shtetas dhe vijon puna intensive nga grupi hetimor, nën drejtimin e Prokurorisë, për sqarimin e rrethanave të ngjarjes, identifikimin dhe kapjen e autorit/ëve.
