Reshjet e dendura të shiut shkaktuan rrëshqitje të dheut të shtunën në ishullin italian të Ischia.
Kjo situatë ka sjellë vdekjen dhe zhdukjen e disa personave.
Autoritetet raportuan se deri më tani kanë nxjerrë 5 trupa të pajetë nga rrënojat.
Sipas tyre të paktën 9 persona janë ende të zhdukur.
Më shumë se 100 zjarrfikës dhe zhytës janë vendosur në përpjekje për të pastruar rrugët e mbushura me mbeturina.
Në ishull më shumë se gjysma e shtëpive janë ndërtuar ilegalisht dhe kjo ka sjellë që ato të mos i rezistojnë forcës së rrëshqitjeve të dheut dhe tërmeteve.
Ministri për mbrojtjen civile, Nello Musumeci, u shpreh se vendi kishte nevojë për një plan kombëtar të përshtatjes ndaj ndryshimeve klimatike për të siguruar që ndërtesat dhe infrastruktura të mund t’i rezistojnë fenomeneve gjithnjë e më të shpeshta si reshjet e dendura.
Qeveria ka shpallur një gjendje të jashtëzakonshme, duke caktuar një shumë fillestare prej 2 milion euro për të ndihmuar në rindërtimin e shtëpive.
Të enjten dy persona humbën jetën për shkak të motit të keq në rajon.
Një turist argjentinas u mbyt pasi u përfshi në det gjatë një stuhie bregdetare, ndërsa një burrë u godit nga rrufeja në një plazh.
