Agjencia e Mbikëqyrjes Policore arrestoi sot një punonjës të policisë së shtetit.
Ai është Alkid Ndreu, anëtar i Komisionit të gjobave në drejtorinë e Tiranës, pasi akuzohet për shpërdorim detyre.
Gjithashtu u arrestua edhe sekseri Eduart Caka. Nën hetim në gjendje të lirë është edhe gruaja që dha ryshfet dhe që u bë shkak, me inicialet B.D.
Por çfarë ndodhi?
Gruas në fjalë ishte pezulluar patenta për tre muaj, por ajo futi mik, sekser Cakën për t’i dhënë 70 mijë lekë Ndreut, i cili i ktheu lejen e drejtimit, patentën.
Të gjitha veprimet janë monitoruar nga Agjencia e kontrollit të policëve duke e arrestuar bashkë me sekserin.
