Dy persona janë arrestuar në Berat në kuadër të operacionit “Ypsilon”. Të arrestuarit janë; S. Gj., 42 vjeç dhe K. D., 22 vjeç, të dy banues në Berat.
Gjatë kontrollit fizik dhe kontrollit në banesat e tyre u gjetën 85 doza me lëndë të dyshuar narkotike kokainë.
Gjithashtu, në cilësinë e provës materiale u sekuestruan 2 automjete, 5 aparate celulare dhe një shumë parash e dyshuar e përfituar nga kjo veprimtari kriminale.
Materialet i kaluan Prokurorisë, për veprime të mëtejshme procedurale.
