Deputeti Luçiano Boçi, ka reaguar lidhur me Primaret që do të zhvillohen ditën e nesërme.
Përmes një postimi në Facebook, Boçi i bën thirrje anëtarëve dhe simpatizantëve të PD të votojnë masivisht për kandidatët e primareve.
‘Vota i jep vlerë çdo fitoreje. Dhjetori është një muaj i bekuar për demokracinë shqiptare! Teksa një vit më parë punonin që të demokratizonim Partinë Demokratike dhe të institucionalizonim votën, këtë të dielë përmes votës do t’i japim vlerë fitores tonë në betejën e afërt politike! Kam pasur krenarinë më të madhe në jetën time, të kem qenë i votuar në beteja të njëpasnjëshme politike në Elbasan, brenda dhe jashtë partisë! Këtë të dielë përmes procesit të PRIMAREVE, do të vendosim një gur themeli në politikën shqiptare.’, shkruan ndër të tjera Boçi.
