Presidentja e Kosovës, Vjosa Osmani në fund të samitit të Tiranës akuzoi presidentin serb se luan rolin e viktimës dhe se Prishtina është gati për dialog për planin franko-gjerman që ndodhet në tryezën e liderëve të dy shteteve.
“Vuçiç krijon një dramë për të pasur vëmendjen, njëherë thotë nuk vij dhe pastaj vjen. Është një vëmendje qesharake. Është vëmendja e një shteti që nuk ka të bëjë as me sundim të ligjit dhe as demokraci.
Vazhdon dialogu me dokumentin e propozuar si kornizë, plani franko-gjerman. Shumë shpejt mund të ketë një datë për takimin e ardhshëm për t’u diskutuar në Bruksel. Ne jemi gati për t’u përgjigjur si pala më konstruktive në këtë proces” tha ajo.
