Ka kaluar më shumë se një javë që nga ndeshja mes Argjentinës dhe Meksikës në Kupën e Botës.
Pamjet e dhomës së zhveshjes të Argjentinës pas sfidës ku duket Messi duke shkelur një fanellë të Meksikës vazhdojnë të krijojnë polemika.
Çështje e cila tashmë ka përfunduar në Parlamentin e Meksikës.
Deputetja María Klemente Garsía Moreno ka bërë gati një kërkesë zyrtare që do të shqyrtohet në seancat e radhës në parlament për të shpallur Messin “non grata” në Meksikë.
Në kërkesën ajo kërkon që Messi të shpallet person non grata brenda territorit të Shteteve të Bashkuara Meksikane pasi ai ka shfaqur një përbuzje të dukshme, ashtu si edhe një mungesë respekti ndaj ngjyrave dhe përbërësve patriotikë të vendit.
Sipas saj veprimet e Messi-t ishin “kundër identitetit kombëtar” të Meksikës.
