Një anije braziliane është ndaluar nga marina franceze me 4.6 ton kokainë në një operacion të madh ndërkombëtar të koordinuar nga Europol.
Anija e nisur për në Evropë u ndal në ujërat ndërkombëtare në brigjet e Sierra Leones.
Sipas Konferencës së Europol vlera e dërgesës së paligjshme të kokainës besohet të kalojë shifrat 150 milionë euro.
Hetimi vazhdon ende për të gjetur anëtarët e tjerë të përfshirë përtej Oqeanit Atlantik.
Sipas Europol, aktivitetet e trafikut të drogës mbështeten në një infrastrukturë transporti që lidh vendet e origjinës së Amerikës Latine me zonat e konsumit.
