Presidenti i rrëzuar nga pushteti i Perusë, Pedro Castillo është parë në ambientet e policisë vetëm disa orë pasi ai u përpoq të shpërndante Kongresin.
Në një luftë mbi atë se kush e kontrollon vendin, Castillo tha se ai po zëvendësonte Kongresin me një “qeveri të jashtëzakonshme emergjente”.
Por ligjvënësit e injoruan njoftimin dhe në një takim urgjent ata fajësuan presidentin.
Më pas ai është parë në ambientet e policisë por akoma nuk dihet nëse është arrestuar.
Në fotot e shpërndara në Twitter nga policia ai dukej i ulur teksa bisedonte me të pranishmit.
Por më pas fotot e postuara u fshinë. Policia nuk ka sqaruar pse fotot u fshinë më vonë ose nëse zoti Castillo është i lirë të largohet.
Castillo bëri lëvizjen për të shpërndarë Kongresin vetëm disa orë përpara se të fillonte procedurat e shkarkimit të tij.
Ai ka akuzuar të gjithë persona të cilët synojnë ta largojnë atë nga detyra për përpjekje për të minuar demokracinë.
Castillo tha se një Kongres i ri me kompetencat për të hartuar një kushtetutë të re do të mblidhej brenda jo më shumë se nëntë muajsh.
Por Kongresi, i cili kontrollohet nga partitë kundërshtare të Castillo-s, thirri një seancë urgjente dhe mbajti votimin e shkarkimit që Castillo po përpiqej të parandalonte.
Rezultati ishte dërrmues: 101 votuan pro shkarkimit të tij, me vetëm gjashtë kundër dhe 10 abstenime.
Peruja ka kaluar një periudhë të vështirë politike me shumë presidentë të rrëzuar nga detyra vitet e fundit.
Në vitin 2020, ajo kishte tre presidentë brenda pesë ditëve.
Ndërkohë, Kongresi ka bërë betimin e Dina Boluarte, e cila deri më tani ishte nënkryetare e vendit si drejtuese e përkohshme.
Zonja Boluarte është gruaja e parë që udhëheq Perunë.
Pas betimit ajo bëri thirrje për një armëpushim politik për të kapërcyer krizën që ka kapluar vendin.
