Ambasada e SHBA-së në Tiranë i ka dhuruar Shqipërisë pajisje teknologjike me vlerë 385 000 dollarë. Pajisjet do t’i ndihmojnë punonjësit e Drejtorisë së Antiterrorit dhe të Sektorit të Ekzaminimeve Kompjuterike, në Institutin e Policisë Shkencore.
Donacioni iu dorëzua Drejtorit të Përgjithshëm të Policisë së Shtetit, nga Zëvendës Ambasadori i Shteteve të Bashkuara të Amerikës në Tiranë, Demian Smith dhe Shefja e Zyrës së Sigurisë Rajonale në Ambasadën e SHBA-së në Tiranë, Karen Riley.
Ata theksuan rëndësinë e këtij donacioni, i cili vjen pikërisht në momentin e duhur për të përballuar sfidat globale, siç është tashmë edhe kërcënimi nga krimi kibernetik, teksa hakerat e sponsorizuar nga Irani goditën sistemet e policisë duke nxjerrë të dhënat sensitive.
