Sulmuesi madrilen, Karim Benzema është rikthyer në aksion duke luajtur në miqësoren kundër Leganes.
Real Madridi u rikthye në aksion për herë të parë që nga pushimet e marra për shkak të Kupës së Botës në një miqësore me dyer të mbyllura me Leganes.
Prania e Benzemas në ndeshje ishte një lajm shumë i mirë për ekipin pasi ai u rikthye nga lëndimi që kishte pësuar pak para startimit të Botërorit.
Sulmuesi francez ka pasur shumë lëndime gjatë gjithë sezonit dhe u detyrua të tërhiqej nga Kupa e Botës vetëm disa ditë para se Franca të luante ndeshjen e parë.
Pasi kaloi javët e fundit duke u rikuperuar, Benzema u rikthye në aksion për 30 minuta kundër Leganes.
Përveç Benzemas, David Alaba dhe Toni Kroos u paraqiten gjithashtu sot nga formacioni i rregullt i “Los Blancos”.
Kampionët në fuqi të Spanjë u ndalën me një barazim 1-1 në një ndeshje e cila zgjati 1 orë me dy pjesë me nga 30 minuta.
