Fjalori i Kembrixhit ka përditësuar përkufizimet e tij për “grua” dhe “burrë” për të përfshirë edhe njerëzit transgjinorë.
Një zëdhënëse për Shtypin dhe Vlerësimin e Universitetit të Kembrixhit, Sophie White tha se në përkufizimin e “gruas” thuhet se ajo është një qenie njerëzore femër e rritur.
Termi mbetet i pandryshuar por ka pasur disa shtesa. “Një i rritur që jeton dhe identifikohet si femër, megjithëse mund t’i jetë caktuar një gjini tjetër në lindje”.
Përkufizimi i gruas përfshin gjithashtu dy shembuj që u referohen personave transgjinorë.
Një shembull thotë: “Ajo ishte gruaja e parë transgjinore që u zgjodh në postin kombëtar”.
Në shembullin e dytë, me përkufizimin e përditësuar, thuhet: “Maria është një grua e lindur burrë”.
