Si pasojë e reshjeve të shumta nga të cilat është përfshirë vendi ynë ditët e fundit, rruga e Arbrit është bërë pothuajse e pakalueshme.
Drejtuesit e automjeteve thonë se i gjithë aksi i rrugës së Arbrit është me probleme që nga bajpasi i Murrizit e deri në Bulqizë.
Rënie gurësh ka pasur edhe në segmentin Bulqizë – Maqellarë të rrugës së Arbrit.
Rruga e Arbrit u inagura vitin që kaloi nag kryeministri Edi Rama ende e papërfunduar. Rruga kalon në gjashtë tunele, pesë prej të cilëve janë ndërtuar, ndërsa pritet të përfundojë tuneli i Murrizit.
Kujtojmë që reshjet e shiut kanë shkaktuar probleme të shumta në shumë qarqe të vendit veçanërisht në Shkodër dhe Lezhë.
