Deputetja Jorida Tabaku ka denoncuar në Kuvend qeverinë për trajtimin e papërshtatshëm të fermerëve dhe bujqësisë, duke përmendur gjithashtu skandalin e fondet e IPARD-it dhe korrupsionin që i shoqëron ato.
“Kryeministri shëtit fshat më fshat dhe flet për mirëqenie dhe investime në bujqësi. Por realiteti është ndryshe dhe nuk matet me propagandë. Sot më shumë se kurrë ky realitet është i hidhur se bujqësia për shtatë vite me radhë është në rënie, ka rënë deri në 17% dhe më shumë. Serbia e mbështet fermerin e saj 15 herë më shumë sesa e mbështet Shqipëria. Kjo nuk është diferencë, është hendek. Në rajon jepen deri në 6 mijë euro në vit, në Evropë shumë herë më shumë dhe në Shqipëri fermeri merr 45 herë më pak. Prej vitesh Shqipëria është përfshirë në një skandal, 116 mln euro të fondeve të IPARD që u zhdukën dhe shkuan te një pakicë. Ju tundni vetëm flamurët politikë të propagandës për integrimin në BE.”
