Agjencia Gjermane e Lajmeve (dpa) duke cituar TASS ruse ka raportuar se të paktën 11 persona u vranë kur ushtria ukrainase nisi një sulm në një zonë të Luhanskut që është nën kontrollin e forcave pro-ruse.
20 persona të tjerë u plagosën në të njëjtin sulm, në komunitetin Landratofka.
Sipas të njëjtit burim, forcat ukrainase përdorën sistemet e raketave të shumta HIMARS të SHBA-së për të goditur infrastrukturën civile.
Agjencia Gjermane e Lajmeve thekson se nuk është në gjendje të verifikojë informacionin konkret.
Sipas palës ruse më herët gjatë ditës së sotme, forcat ukrainase nisën një sulm edhe në rajonin e Donetskut (lindje), duke lënë një të vdekur dhe pesë të plagosur.
