Kryetari i Partisë së Lirisë Ilir Meta e ka cilësuar agresion në paligjshmëri shembjen e pallatit të rruga “Myslym Keta” në Tiranë dhe për këtë akuzon kryetarin e bashkisë, Erion Veliaj.
“Shembja e pallatit në Rr. “Myslym Keta” është agresion i përsëritur në paligjshmëri të plotë dhe i egër ndaj qytetarëve të thjeshtë ashtu si tek Teatri Kombëtar, Astiri, Bregu i Lumit dhe 5 Maji.
Natën dhe me dhunën e Policisë së “Rilindjes” qytetarëve ju rrëmbehet dhe ju shkatërrohet prona që të majmen klientët e “Rilindjes”.
Fëmijë, të moshuar, burra dhe gra janë hedhur në rrugë të madhe, që të vazhdojë grabitja dhe plaçkitja e bandës së Erion Veliaj dhe oligarkëve përqark tij.
14 maji është dita e madhe kur qytetarët e Tiranes do t’ju japin ndëshkimin më të rreptë këtyre agresorëve dhe hajdutëve të shfrenuar” thotë Meta. IKMT nisi sot shembjen me argumentin e bashkisë se pallati është i dëmtuar nga tërmeti.
Rrëzohet PD, gjykata vendos: Të shembet pallati në rrugën “Myslym Keta”
