Një aksident i rëndë ka ndodhur mëngjesin e sotëm në fshatin Samurr të qytetit të Elbasanit, ku njoftohet se një automjet ka dalë nga rruga dhe ka përfunduar disa metra poshtë në një humnerë.
Për pasojë, njoftohet e ka humbur jetën një person, i identifikuar si Besnik Samurri, rreth 38 vjeç. Raportohet se nga aksidenti janë edhe tre persona të plagosur rëndë.
Ndërkohë policia, ambulanca dhe grupi hetimor kanë shkuar në vendin e ngjarjes për nisjen e hetimeve dhe për zbardhjen e plotë të rrethanave të aksidentit.
