Të paktën 36 persona në bordin e një fluturimi të “Hawai Airlines” u plagosën dhe 20 u dërguan në dhomat e urgjencës pasi avioni i tyre pati turbulenca të rënda.
Sipas autoriteteve 11 pacientë ishin në gjendje të rëndë.
Mes të dërguarve në spital ishte edhe një fëmijë 14 muajsh.
Lëndimet e pacientëve përfshinin dëmtime të rënda të trurit, çarje, mavijosje dhe humbje të vetëdijes.
Kompania e Hawaiian Airlines në një njoftim shprehu mbështetje për të gjithë pasagjerët dhe punonjësit e prekur nga incidenti.
Ata gjithashtu shtuan se po monitorojnë situatën.
Sipas linjës ajrore mes të plagosurve ishin edhe 3 anëtarë të ekuipazhit.
Turbulenca ka ndodhur 15 deri në 30 minuta para se avioni, i cili mbante 278 pasagjerë dhe 10 anëtarë të ekuipazhit të zbarkonte në Honolulu.
Në aeroplan ishte një studente kolegji 18-vjeçare, e cila po kthehej në shtëpi për pushimet e dimrit dhe tha se në fillim dukej si turbulenca normale.
Më pas lëkundjet u përshkallëzuan me shpejtësi.
Linja ajrore tha se po kryente një inspektim të plotë të avionit” përpara se ta kthente avionin në shërbim.
Administrata Federale e Aviacionit dhe Bordi Kombëtar i Sigurisë së Transportit po hetojnë incidentin.
Video emerges of the aftermath from the Hawaiian Airlines flight that hit severe turbulence on approach to Honolulu on Sunday, injuring 36 people. The U.S FAA and NTSB are both investigating the incident. Viewer discretion advised. https://t.co/5op5lANBgz pic.twitter.com/3h20TPO0Yu
— Breaking Aviation News & Videos (@aviationbrk) December 20, 2022
