Mbi 180 të dënuar për vepra të ndryshme penale, i janë drejtuar me kërkesa Presidentes së Kosovës, Vjosa Osmanit, që t’ua falë dënimet. Vjet, Presidentja s’e kishte falur asnjë të burgosur.
Aktualisht, numri i të burgosurve në të gjitha institucionet korrektuese është 1 mijë e 794, ku 1 mijë e 104 prej tyre janë të dënuar e 690 të paraburgosur.
Nga falja përjashtohen të dënuar për vepra kundër rendit kushtetues dhe sigurisë së shtetit të Kosovës.
Për falje kanë të drejtë të aplikojnë të gjithë të dënuarit dhe këto aplikime shqyrtohen edhe nga një Komision për shqyrtimin e kërkesave për falje.
Megjithatë, presidentja ka të drejtën ekskluzive për marrjen e vendimit për falje apo jo.
