Një person ka vdekur e tre të tjerë janë lënduar të hënën, në një aksident në fshatin Novosellë të Pejës.
Zëdhënësi i Policisë për rajonin e Pejës, Fadil Gashi tha se për aksidentin është njoftuar në orën 07:45.
“Policia e Kosovës është njoftuar për aksidentin në orën 07:45. Në fshatin Novosellë të Pejës, dy vetura janë përfshirë në aksident.
Tre persona janë dërguar për trajtim në Prishtinë, ndërsa njëri është gjetur pa shenja jete në vendin e ngjarjes. Në aksident është i përfshirë edhe një zyrtar policor”, deklaroi.
