Presidenti rus, Vladimir Putin ka miratuar një ligj që parashikon burgim të përjetshëm si dënimin maksimal për ata që dënohen për akte sabotazhi.
Dënimi mund të ketë të bëjë jo vetëm me vetë aktin, por edhe me financimin, rekrutimin ose planifikimin për të arritur sabotimin.
Pas fillimit të pushtimit rus të Ukrainës u regjistruan sulme kundër zyrave të rekrutimit dhe infrastrukturës në Rusi.
Në vazhdën e mobilizimit të pjesshëm të Presidentit Putin në shtator këto sulme janë përshkallëzuar.
Më shumë se 75 ndërtesa publike u vunë në shënjestër deri në nëntor.
Mbrojtësit e të drejtave të njeriut theksojnë se formulimi i paqartë dhe interpretimet e ndryshme të ligjit u japin autoriteteve lirinë për të ndjekur penalisht ata që kundërshtojnë politikat e Kremlinit.
Muajt e fundit shumë kritikë të luftës janë dënuar me vite burg për “shpifje ndaj ushtrisë ruse”.
