Një ngjarje e pazakontë është shënuar në SHBA, ku një burrë humbi transplantin e zemrës për shkak të stuhisë së dëborës. Patrick Holland, 56 vjeç, i cili jeton në Alaskë, u njoftua nga spitali i Uashingtonit se ishte gjetur një donator për rastin e tij.
Ai së bashku me të vëllain u drejtuan për të aeroport që të kapnin fluturimin e radhës për në Uashington, por linja për shkak të motit të keq kishte ndërprerë udhëtimet. Megjithatë, punonjësit i siguruan atij një tjetër aeroplan, por që sërish për shkak të motit të keq u devijua në Anchorage.
Kjo bëri që Holland të humbiste mundësinë e tij, por ai shpreson se së shpejti do të ketë një tjetër shans.