Kandidati i PD-së për bashkinë e Elbasanit në zgjedhjet e 14 Majit, Luçiano Boçi ka denoncuar sot një tender, sipas tij korruptiv që ka firmosur kreu aktual Gledian Llatja. Bëhet fjalë për një tender 100 mln lekë për blerjen e mjeteve teknologjike për pastrim.
Deputeti demokrat thotë se tenderi që shoqërohet me flamurin e kuq, është korruptiv, pasi po jepet pa garë. Ai i kërkon drejtësisë që të veprojë.
“Bashki e zhytur në korrupsion!
🚩Flamujt e kuq, si sinjalizuese korrupsioni, shoqërojnë tenderat dhe prokurimet e Bashkisë Elbasan! Një institucion i mbyllur, pa transparencë, jashtë çdo llogaridhënieje që kënaq në mënyrë të pandërprerë klientelën e tij!
🚩Ja se si në një rast të vetëm jepen 100 mln lekë pa garë dhe në mungesë konkurence për blerjen e mjeteve teknologjike për pastrim! Abuzim që duhet të vendos në veprim drejtësinë
👉Sikur të mos mjaftonte vjedhja dhe abuzimi me tenderat, gjendja e menaxhimit të mbetjeve në Elbasan është e tmerrshme” shkruan ai.
