Avokatja e Enver Sheshit i arrestuar për çështjen e inceneratorëve që ndërroi jetë sot në spitalin e QSUT-së, ka kërkuar ndryshim të masës së sigurisë jo për probleme shëndetësore të Sheshit, por sepse më herët 59-vjeçari ka qenë i dënuar për të njëjtën çështje.
Sipas dokumentit sqarohet se duke qenë se është dënuar më herët për këtë çështje nuk mund të vuajë të njëjtin dënim.
Sipas vendimit, vetëm dy të pandehur kanë ankimuar vendimin e Gjykatës për probleme shëndetësore.
59-vjeçari ishte arrestuar më 16 nëntor për inceneratorin e Fierit së bashku me 10 persona të tjerë mes tyre edhe biznesmeni Arben Dervishaj.
Enver Sheshi ishte administrator i kompanisë “Leli-17” sh.p.k. Ai akuzohej për veprën penale “Krijimi i skemave mashtruese në lidhje me tatimin mbi vlerën e shtuar”, në bashkëpunim.
