Policia e Elbasanit ka vënë në pranga 27-vjeçarin me inicialet A. T dhe 20-vjeçarin me inicialet E. J njëri prej tyre i armatosur me pistoletë me fishekë në fole, gati për qitje dhe tjetri sepse transportonte me motoçikletë 2 thasë me lëndë narkotike kanabis.
Policia ka shpallur në kërkim një 33-vjeçar, bashkëpunëtor i 2 shtetasve të arrestuar.
Pas arrestimit të të rinjve policia ka sekuestruar 10.4 kg kanabis, 1 armë zjarri pistoletë, 4 armë gjahu, 1 armë sportive, 3 celularë dhe një shumë parash të dyshuara të përfituara nga kjo veprimtari kriminale.
Vijon puna për identifikimin, kapjen dhe vënien në pranga të shtetasve të tjerë të implikuar në këtë veprimtari kriminale.
Materialet procedurale i kaluan Prokurorisë pranë Gjykatës së Shkallës së Parë Elbasan, për veprime të mëtejshme.
