Deputeti Agron Çela është shfaqur në krah të kryeministrit Edi Rama pak ditë pasi u largua nga Partia e Lirisë.
Ka qenë vetë kryeministri Edi Rama, i cili ka ndarë disa fotografi nga një takim që ka mbajtur me deputetët shkodranë, krah të cilit shfaqet gjithashtu dhe deputeti Agron Çela.
Çela shfaqet në krah të majtë të Ramës ndërsa në krahun e djathtë të tij është drejtuesja politike e PS për Shkodrës, Elisa Spiropali.
“SHKODRA NA BASHKON – Me deputetët e Shkodrës për ecurinë e projekteve zhvillimore të këtij mandati qeverisës me Fondin Shqiptar të Zhvillimit”, ka shkruar Rama.
