Trajneri i Argjentinës, Lionel Scaloni shpreson që kapiteni, Lionel Messi do të mund të luajë në Botërorin e 2026.
Messi me në fund arriti që ta realizonte ëndrrën e tij duke fituar në Katar, duke udhëhequr La Albiceleste për të fituar Kupën e Botës.
Super ylli i Paris Saint-Germain ka thënë se do të vazhdojë me Kombëtare edhe pas garës por nuk ka qenë e qartë edhe për sa kohë.
Messi do të jetë 39 vjeç në kohën kur zhvillohet Botërori, por Scaloni nuk heq dorë nga shpresa dhe beson që ai do të luajë.
“Mendoj që Messi mund të ja dalë dhe të luajë në Botërorin e ardhshëm”, tha ai për Radio Calvia.
“Do të varet në atë çfarë ai dëshiron, a ndihet mirë. Dyert do të jenë gjithmonë të hapura. Por, ai është i lumtur kur është në fushë dhe kjo është mirë për ne”.
Messi kishte lënë të kuptohej para finales në Katar që ndeshja kundër Francës do të ishte ndeshja e tij e fundit në një Botëror.
Megjithatë skuadra e Argjentinës po e shtynë atë që të luajë edhe më 2026 kur gara do të luhet në Shtetet e Bashkuara të Amerikës, Meksikë dhe Kanada.
Argjentinasi është kthyer në klubin e tij, PSG dhe është duke u përgatitur për ta bërë paraqitjen e tij të parë për skuadrën nga Ligue 1 që pas Botërorit.
Messi mund të luajë kundër yllit portugez, Cristiano Ronaldo në një miqësore që do të luhet kundër të gjithë yjeve të skuadrave në Arabinë Saudite.
