Deputeti i Partisë së Lirisë, Petrit Vasili denoncon se Partia Socialiste ka krijuar një aplikacion për administratën për ta përdorur për propagandë, shpërndarjen e lajmeve dhe aktiviteteve të qeverisë.
Aplikacioni është pagëzuar me emrin “Aktiv1st” dhe shkarkohet nga punonjësit dhe përmes tij kontrollohet administrata për aktivitetin.
“Administrata e rilindjes si megafon i çarë propagande. Ne vend te bejne punen per te cilen paguhen nga taksat e shqiptareve vegjetojne duke shperndare mashtrimet dhe vjedhjet e qeverise. Turp” shkruan ai.
Përpara zgjedhjeve parlamentare të 25 Prillit të 2021-shit, debati dhe akuzat ishin të forta kundër qeverisë për sistemin e paronazhistëve.