Kryeministri i Kosovës, Albin Kurti ka emëruar si zëvendësministra, Nenad Stanojeviç dhe Lazar Raduloviç.
Nenad Stanojeviç është emëruar si zëvendësministër në Ministrinë e Ekonomisë ndërsa Lazar Raduloviç është emëruar si zëvendësministër në Ministrinë për Bujqësi, Pylltari dhe Zhvillim Rural.
“Kryeministri Kurti i uroi për detyrën dhe përgjegjësitë e reja institucionale në Republikën e Kosovës. Në takim ishin të pranishëm edhe Ministrja e Ekonomisë, Artane Rizvanolli, Ministri i Bujqësisë, Pylltarisë dhe Zhvillimit Rural, Faton Peci si dhe Ministri për Komunitete dhe Kthim, Nenad Rashiç”, thuhet në komunikatë për media.
Së fundmi i pari i qeverisë kishte emëruar së ministër për Komunitete dhe Kthim, politikanin serb, Nenad Rashiç. Serbët më 5 nëntor në shenjë revolte ndaj vendimit të Qeverisë së Kosovës për targat, ishin dorëhequr nga institucionet e Kosovës edhe në nivel qendror edhe ato komunal.
