Një aksident ka ndodhur në orët e para të mëngjesit të sotëm në Fier. Mësohet se një automjet i tipit “Golf” ka rënë nga ura e Mbrostarit dhe ka përfunduar në lumin Seman.
Momentalisht janë ngritur të gjitha pistat, ndërsa pranë vendit të ngjarjes është gjetur një targë automjeti e po tentohet kontakti me drejtuesin e automjetit, telefoni i të cilit rezulton i fikur.
Ende nuk dihet se sa persona ndodhen brenda mjetit, i cili nuk është nxjerrë akoma nga uji. Sakaq, policia ka mbërritur në vendin e ngjarjes.
