Arsenali është duke kaluar një sezon fantastik duke kryesuar tabelën e Premier League me 47 pikë pas një fitore të merituar kundër Tottenham.
Topçinjtë janë 8 pikë para Manchester City-t i cili ndodhet në vendin e dytë dhe 9 pikë më shumë se Newcaslte e Manchester United.
Por performanca e mirë e tyre duket se për ish-mbrojtësi anglez, Gary Neville nuk do t’i çojë drejt titullit kampion të seszonit.
Neville mendon se Manchester City do ta fitoj kampionatin, derisa United do të jenë në vendin e dytë.
Ai e sheh Arsenalin të fitojë vetëm vendin e tretë.
“Arsenali nuk do ta fitoj titullin. Manchester City do ta fitojë kampionatin dhe unë mendoj se Man United do të përfundojnë të dytët”.
“E di që tifozët e Arsenalit do të mërziten edhe pse do të preferoja që Arsenali ta fitonte ligën para City-t”, ka shkruar Neville.
Por pas deklaratës së Neville ka reaguar gazetari i njohur anglez, Piers Morgan i cili ka vendosur bast me ish-mbrojtësin.
“Pipe down T-Bag. Vë bast 5000 funte për bamirësi që Arsenali përfundon më lartë në kampionat se Man United”, shkroi Morgan që me fjalën ‘T-Bag’ iu referua Neville pasi ky pseudenim iu kishte vendosur ish-mbrojtësit anglez nga Wayne Rooney.
Mbetet të shihet nëse Morgan do ta fitoj bastin me Neville dhe nëse deklarata e ish-mbrojtësit anglez do të jetë e saktë.
