Presidenti turk, Rexhep Tajip Erdogan përsëriti ofertën e tij për të ndihmuar në përfundimin e luftës në Ukrainë gjatë një bisede telefonike me presidentin rus Vladimir Putin sot.
Ky lajm u bë i ditur nga zyra e Erdogan.
“Gjatë bisedës telefonike, presidenti Erdogan përsëriti se Turqia është e gatshme të ndërmarrë detyrën për të lehtësuar dhe ndërmjetësuar vendosjen e një paqeje të qëndrueshme midis Rusisë dhe Ukrainës”, thuhet në një deklaratë.
Në deklaratë shtohet se të dy udhëheqësit diskutuan gjithashtu eksportet e grurit dhe amoniakut rus përmes Detit të Zi.
