Me taktika të reja që përfshijnë kërkime të vazhdueshme në klubet e natës, të paktën 15-20 “diskutime miqësore” me kriminelët grekë për vrasjet me pagesë dhe gjithashtu bastisje në burgjet e vendit për të kontrolluar ndonjë drejtues të mafies shqiptare, policia greke po përpiqet, periudhën e fundit, për të kufizuar veprimtarinë e krimit të organizuar në Greqi.
Qëllimi kryesor i këtyre metodave është të dekurajojnë anëtarët e “kumbarëve” grekë që të vazhdojnë betejën e shfarosjes reciproke, por edhe të marrin informacion për 25 ‘kontratat e vdekjes’ që janë regjistruar në pesë vitet e fundit.
Policia kërkon të shqyrtojë nëse sulmet e fundit të përgjakshme që synonin kriminelët shqiptarë në Nea Smyrni, Sepolia, sheshin “Atiki” dhe gjetkë janë të lidhura me të burgosur të huaj që kanë vepruar në periudhën 2005-2015.
Pjesa kryesore e këtyre veprimeve kryhet nga policia e Athinës dhe departamente kompetente si ai i gjobvënieve. Agjencia në fjalë ka vijuar me thyerjen e rrjeteve të banditëve që kryenin rrahje në Mykonos dhe Aegina. Gjithashtu, me aktivizimin e një ekipi të posaçëm 10 anëtarësh të “goditjeve”, ata kanë kryer kontrolle dhe arrestime për posedim armësh dhe droge në lokale në qendër të Athinës apo në Athinën Jugore, ndërsa ka zbardhur një përleshje të përgjakshme në Voula me pjesëmarrjen e kriminelëve shqiptarë dhe grekë.
Megjithatë, një nga interesat kryesore të shërbimeve të policisë së Athinës duket se janë “diskutimet private” me “kumbarët” e natës – nga Pireu, periferitë perëndimore dhe zona të tjera të Athinës për të krijuar përshtypjen se policia greke njeh veprimtarinë e tyre, konfliktet me kriminelë të tjerë apo edhe sistemin e autorëve fizikë që mund të përdorin.
